檸檬冰室 (冠天閣)

营业中

休息中

过嚟观塘裕民坊附近，唔想入商场揾食，响周围蹓跶期间，见到一堆人企喺某个小型商场门口，向上望有个柠檬黄嘅招牌吸引咗目光，平靓正嘅套餐好多选择。排咗一阵就入座，叫咗至爱嘅烧鹅髀饭，上到枱未食见到都真心系大惊喜，鹅脾超大只卖相又吸引，食落多汁皮脆肉嫩，热辣辣嘅程度应该系烧咗一阵就斩件上枱，证明呢款食物好受欢迎，先做出咁好嘅质素。朋友叫咗个无骨海南鸡饭，鸡肉好嫰滑，油饭香而弹牙，跟餐叫咗杯华田红豆沙冰，只系加$ 8，大大杯嘅沙冰饮到停唔到口。呢间性价比咁高嘅餐厅，都有几间分店，值得再试。