一樂燒臘飯店 (已結業)

难得黎到大埔，跟住地胆揾野食。佢地介绍左呢间烧味店，话出名同多人帮衬。夜晚大概8点几去到唔多人，4个人轻易坐左张大圆枱，4个人都叫有烧鹅既濑粉／饭望落烧鹅色泽偏深，油光泛泛，虽然好似㶶左DD但食落好香同几脆，基本上唔洗点梅酱都好够味；粉既汤底系猪骨汤，比普通茶记既汤粉汤底浓DD。但系之后食落发现D烧鹅虽好食，但好多骨！无乜肉！系我地太迟黎得番D头尾，定系真系俾好有肉既for碟头饭？ 由于无乜肉食，我攞左D隔离既叉烧试下，点知佢好硬，又无肉汁又无蜜汁，系就系啖啖肉啊但唔想咬㖞....对烧鹅少少失望，对叉烧系大失望！4／50蚊食碗无乜肉但D皮几好味既濑粉，睇你肚唔肚饿啦，做宵夜都唔错既...