一樂燒鵝

营业中

休息中

近期好想食烧鹅，今日过嚟圆方呢边探朋友，顺便揾下附近睇下有冇烧鹅食，点知就畀我揾到呢间位于尖沙咀柯士甸道西3号香港西九龙站G楼WEK G-12号舖噶一乐烧鹅，同朋友过去即刻落单咗半只烧鹅，再嚟就系烧鹅叉烧饭，当然仲有个叉烧油鸡濑粉，再嚟一个生菜。呢间就系高铁站附近，冇得堂食，只可以买完后去公共地方嘅坐枱食，可能过咗饭点，买完烧鹅揾座位嘅时候都唔使等。烧鹅嘅份量都算正常，烧鹅皮还有少少脆，肉质足够入味，配个酸梅酱，又系另一番风味。叉烧都唔差，系瘦叉烧，面有少少蜜糖焦香，好好食。油鸡都好嫩滑，鸡皮做得入味。下次搭高铁又想食烧味嘅时候，呢度系一个唔错嘅选择。