楓雅廊咖啡閣 (已結業)

呢度搅紧燕窝自助晚餐, 朋友又系集团成员, 有折, 女士们有兴趣护肤养颜, 咪约出聚一聚啰! 但我个人从来都唔好自助餐, 加上之前行完山超, 真系有少少想放飞机意欲.因为我之前仲行去海运度办点公事, 对脚已经酸痛到不得了, 所以一坐低就唔想再起身. 朋友见状, 立即问我有咩想食, 话帮我咁话㖞. 佢大大只美国生蚝过我, 仲有蟹脚, 份量唔少, 单看size你会觉得值回票价. 生蚝真系好肥美滑嘟, 可惜沙石多, 要吐! 蟹脚好有肉, 都可以.除以上两款, 亦吃唔少烟肉, 什肉, 味道麻麻. 热盘更加唔掂, 特别系个所谓燕窝蟹粉小笼包, 可能热得太耐, 皮腍晒, 而且我亦吃不出丁点蟹粉或燕窝, 好难食呀呢个!甜品咪系咁食燕窝蛋挞呀, 雪糕咁啰! 其中燕窝蜜糖雪糕做得唔错, 几清甜啦! 反而每人送一客燕窝甜品就唔多得! 一碟有三小碗, 分别盛住燕窝姜撞奶, 燕窝焦糖布甸同有燕窝又类似杨枝甘露物体. 由于呢个唔系咁好食, 集团朋友就走去问同事呢个系咩, 我听唔到个名堂, 但据知呢个系俾你食呢三碗时候作漱口之用㖞! 哈, 又几得意㖞, 好似去食法菜咁.总括讲, 食物选择唔算多同正, 抵唔抵就见仁