影片
更多
2017-08-21
45 浏览
香港人不嬲钟意食鸡煲、打边炉，今次同朋友去左尖沙咀黄记煌试下佢地既焖锅。听讲系大陆好出名，就睇下佢有咩咁特别啦。我地一坐低，侍应就放低左个竹炭花生，原来系餐前小食黎架。食落甜甜地，又香花生味。佢地既焖锅可以拣鸡、鱼、猪、牛、海鲜等等，仲有唔同既酱汁，有辣有唔辣，任君选择呀。侍应推介如果唔食辣既话可以拣招牌咸鲜汁，钟意食辣既话就可以试麻辣汁，惹味得黎唔会太辣食唔到。由于我同朋友都钟意食辣，所以最后拣左麻辣汁焖鸡。我地另外仲叫左麻辣土豆丝同埋凉拌鲍片海蜇头两个凉菜。个土豆丝食落唔算好麻辣，食唔到太辣既朋友都可以一试。至于个凉拌鲍片海蜇头，个汁既酸度好适中，好开胃呀，会食到停唔到口，正。系食紧凉菜既同时，侍应就帮我地开左个炉，仲拎左个好得意成个大花瓶既野黎。原来佢入面装住哂所有既食材架。第一层放左好多蔬菜，有红萝卜、洋葱、青椒、红椒、车厘茄、蕃薯、西芹、杞子、蒜头、红枣等等。个锅热左之后，侍应就倒哂d菜落去。然后就放第二层既鸡肉，铺系d蔬菜既上面。份量都唔少架，差唔多有大半只鸡。放好哂d材料之后，加左小小调味料同酒之后就上盖开始煮。尼个时候侍应就将第三层既麻辣酱汁用个大匙羹搅返混同令到d酱冇
我地一坐低，侍应就放低左个竹炭花生，原来系餐前小食黎架。食落甜甜地，又香花生味。
佢地既焖锅可以拣鸡、鱼、猪、牛、海鲜等等，仲有唔同既酱汁，有辣有唔辣，任君选择呀。侍应推介如果唔食辣既话可以拣招牌咸鲜汁，钟意食辣既话就可以试麻辣汁，惹味得黎唔会太辣食唔到。由于我同朋友都钟意食辣，所以最后拣左麻辣汁焖鸡。
我地另外仲叫左麻辣土豆丝同埋凉拌鲍片海蜇头两个凉菜。个土豆丝食落唔算好麻辣，食唔到太辣既朋友都可以一试。至于个凉拌鲍片海蜇头，个汁既酸度好适中，好开胃呀，会食到停唔到口，正。
系食紧凉菜既同时，侍应就帮我地开左个炉，仲拎左个好得意成个大花瓶既野黎。
原来佢入面装住哂所有既食材架。第一层放左好多蔬菜，有红萝卜、洋葱、青椒、红椒、车厘茄、蕃薯、西芹、杞子、蒜头、红枣等等。个锅热左之后，侍应就倒哂d菜落去。
然后就放第二层既鸡肉，铺系d蔬菜既上面。份量都唔少架，差唔多有大半只鸡。放好哂d材料之后，加左小小调味料同酒之后就上盖开始煮。
尼个时候侍应就将第三层既麻辣酱汁用个大匙羹搅返混同令到d酱冇咁杰。
大约煮十几分钟之后，就可以开盖加埋d酱汁再煮。
煮多阵，加埋d芫茜就食得啦。全个过程系冇加过水架，系佢地既「无水烹调法」既，可以食到食物本身既原始味道。煮出黎d鸡肉唔会好老，反而口感岩岩好，好嫩滑，同时又好入味㖞。食到差唔多就可以加汤打边炉。我地拣左d菜，手工松露墨鱼丸同埋鲜虾云吞。
黎到既份量比预期既少，可能惊你太饱挂。
不过个手工松露墨鱼丸的确好好食。好弹牙，而且好香松露味之余又唔会太腻。
鲜虾云吞都唔错，入面d虾都好大粒，食落唔会净系食到块云吞皮。
不得不提既系，原来系黄记煌饮许留山系平过出面既许留山架,一 杯都系＄29！我同朋友都叫左杯芒椰芦荟爽，一边食一边饮，正！
总结黎讲，对于钟意食锅物，打边炉既朋友黎讲，黄记煌的确系唔错既选择，一人消费都系三百蚊左右。座位都坐得好舒服，唔会好逼。而且唔会好大油烟，唔似平时食完鸡煲一大阵味。侍应服务态度都好好，好友善。平时一班人黎gathering，都几适合架。
张贴
