E Molto Buono (已結業)

「又到圣诞，又到圣诞…」情人早已计划与家人外游过一个白色圣诞，出发前只能抽出周三晚与小肥预祝一番。正当XO仔搅尽脑汁揾地方玩烛光晚餐时，老板突然送上「E Molto Buono」o既八五折优惠券，细佬最爱顺天而行，地点咁就脚，公司行过去只需三分钟，打电话订座仲有位㖞，故不必再费神，即刻卜锤。楼上西餐厅雅致洁丽，昏暗o既光线成功缔造出场内罗曼蒂克o既气氛，最适合小情人黎撑枱脚。餐店原来逢周三晚都有个特别版o既套餐供应，主角系头盘o既八件生蚝及白酒或汽酒一杯。由于情人当晚唔系太想食生蚝，两口子最终决定点返平时个六道菜套餐。应温婉有礼o既哥哥仔推介点好晚餐后，隔一阵佢就呈上暖暖o既面包篮及自家调制o既辣肉肠酱同香草茄子酱。篮内有三款形状颜色都唔一样o既面包。黑色o既芝麻黑炭包皮脆心软，白色o既香草包皮脆得黎多咗份芳香，而薄薄o既芝士脆片则好轻巧地脆卜卜，唔点秘酱已经好够味。甜心儿头盘点咗个「法国谷饲牛肉他他」。睇见佢好有技巧地切开只流心鹌鹑蛋，仪态动人得令男友实不禁拍下多张照片留念。哗，自己客「青柠蒜香八爪鱼配香甜红椒蓉」个摆盘呈一个小花园般，色彩缤纷且极富立体感。可惜室内灯光太过柔和，小肥