School Food (已結業)

夜妈妈行屯门，咁啱见到呢间韩国嘢，见佢未闩门就入去食宵夜。因为钟意食蛋，所以我就拣咗呢个火山疏乎蛋，以蛋料理嚟讲，呢个火山疏乎蛋看似特别，因为坊间韩式料理好少咁样整蛋，上枱嘅时候同餐牌嘅样差不多，系用咗一个好似装参鸡汤嘅碗装住，感觉个碗劲热，因为热到沙沙声，食起上嚟，上面部分嘅蛋就几好食嘅，有啲似平时焗蛋，但系估唔到喺碗边嘅蛋全部有阵㶶味，可能因为个碗太热，令到入面边嘅蛋㶶咗，呢个真系令我好失望。唔知系咪净系我食嘅呢个煮过火，出现㶶嘅情况。不过如果俾我拣，我就未必会再食呢样，因为真系好差，大部分都整到㶶哂