爆丼屋 (已搬遷) 新店位置

好耐无食爆丼屋！九龙湾原来开咗一间分店，我地行完街就去食个晚餐先。环境好似比旺角阔落，坐得更舒适👍🏻呢到用Qr Code落单，好方便。食物上菜好快，落单后就即刻攞咗面豉汤同汽水比我地。面豉汤入面有除咗有海带、萝白，仲有少少猪肉，几足料㖞！六重相扑爆盛丼 $225呢个丼饭用料丰富，六重分别系有三文鱼籽、海胆、牛油果、灸烧左口鱼裙边、蟹肉、黑鱼籽。米饭上面首先盖满三文鱼籽，份量超多。再有其他食材，摆放得整齐。三文鱼籽拌饭，带有咸香。制覇!鹅肝海鲜盛丼 $248相机食先之后就督开蛋黄，浓浓嘅蛋黄会渗入成碗饭。上层嘅鹅肝烧过之后充满油香，慢慢渗入米饭，好香！有好多片带子围在碗边，肉质好滑嫩。