爆丼屋 (已搬遷) 新店位置

想食鱼生饭又想食得满足，就可以考虑呢一间。佢款式多配料多，可以指定或者自选。▶️四重火山盛丼🌋$298卖相相当丰盛，以为个碗细细，但系原来入边都几多饭，配料有海胆、蟹肉、三文鱼籽及吞拿鱼蓉。海胆味道唔错，而且钟意有好多蟹肉可以捞饭，味道几鲜；仲有吞拿鱼蓉都系我嘅大爱之一，夹埋三文鱼籽，整个当饭都几鲜味！▶️六重相扑惠盛丼$225有黑鱼子、海胆、三文鱼籽、左口鱼裙边、蟹肉、牛油果🥑呢个配料相当多，有六种。配上牛油果，感觉健康，面上有少少黑鱼子咸咸地；海胆份量比四重火山盛少。佢亦都配有三文鱼子及蟹肉，不过左口鱼裙边先至系主角，入口即溶有火炙香。