茶墨 (已結業)

饮品铺主打水墨风饮品，杯身会有随意既纹路，好型格，而且打卡一流。除左可以拣番原配既牛奶，亦可转豆乳添。另外铺头有卖蛋糕及雪糕，叫完饮品可以坐底慢慢叹食物又得。仲有佢地大大力为香港加油打气。叫左麻糬芋泥茉莉鲜奶绿($39)，紫薯铁观音沙冰($39)。饮品外型好靓，真系好似墨水咁随意画。杯身画满芋泥，底部见到超多麻糬，而且有大大旧芋泥，所以要搅匀好先饮。鲜奶绿既绿茶味浓郁，饮品唔会过甜。而且啖啖都系芋泥同麻糬，口感一流。麻糬好烟韧粉嫩，系会一啖接一啖咁饮。紫薯沙冰既味道较前一杯浓烈，好重紫薯味。而铁观音出奇地同紫薯好夹，两者既味道都好突出，先系紫薯味，后劲就有茶香味。杯身用左紫薯画水墨画，而且亦系超足料，好似食紧紫薯cream既feel咁。虽然系叫沙冰，但冇出现饮到冰粒既情况，即系d冰已经打碎到劲碎劲碎，所以抵赞。饮品面有旧cream，搅匀后饮用更creamy。整体，成杯饮品由卖相到品尝之后，都系赞口不绝，难怪咁多人买。而且饮完非常饱肚添，见到有其他顾客买另外2款既水墨风饮品，卖相更吸睛。系饮品铺中，好值得饮既一间。