班戟館 (已結業)

今晚同S&E响红桥附近食饭，未食完饭S已经话要食甜品，晏昼佢哋想食而甜品店未开，食完饭再去，好想要食到㖞。皇天不负有心人，开咗舖啦门口摆放咗2只可爱大熊仔。店内有温馨提示，唔想摸门钉，出门前问清楚先嘞 (FB或WhatsApp)。店子很小，只有3张四人枱，但系装潢摆设很有特色，食物即点现做需要时间，唔啱速食赶时间嘅人，等待期间影吓相、倾吓谒，欣赏吓小店心思同诚意。甜品嘅名都几特别，暧昧，系班戟配士多啤梨雪糕、草莓酱、同新鲜士多啤梨。班戟送上嚟时系震腾腾嘅，摇摇摆摆好有动感。未影完相，S&E已急不及待开吃喇空气感十足，一轮风卷残云，迅间吃光光啦。好好味热恋，班戟配焦糖雪糕、焦糖粒、同埋焦糖啤梨。班戟配焦糖一样咁好食，焦糖啤梨够腍又唔会好甜，非常美味！每人需要叫一样嘢，食唔到3个甜品，就叫咗一杯饮品。下次可以响度食埋嘢先至食甜品离开时，门口已经有几批人在等位。