金啫の鍋 (已結業)

今日同同事放工去旺角食鸡煲，任饮任食啱晒我哋呢啲擦得之人。上到去系坐满晒，等咗一阵先有位，唔紧要，多人帮衬即系掂啦！先食啫鸡煲，我哋拣咗小辣口味，店员就捧上鸡煲，除咗鲜鸡肉仲有芫茜同洋葱。每焗2分钟炒一次，炒4次，8-10分钟就可以食。如果店员得闲就会帮手炒，不过当晚爆晒棚所以就自己落手～ 炒𠮶阵已经闻到好香，流晒口水。 鸡肉几鲜嫩又香口，正。食得多鸡想转下口味可以落海鲜，有鲍鱼、虾同蛏子，系食鸡煲就会送嘅，不过二人送一份，有点难分。食食吓店员叫参加「金啫摸蚬神之手」活动，出去带上手套，两只手插入蚬堆，2-4人可以捞一次，捞得几多就俾几多。 蚬肉鲜爽，加上香辣鸡煲更好食。 原来摸得多蚬仲可以上每周「龙虎榜」，头三位有丰富奖品添。打边炉之前仲有个「金啫极品啫牛肉乌冬」，乌冬几弹牙，沾埋鸡煲嘅汁，好惹味。最后就加汤打边炉，火锅配料、酱料同饮品都喺出面攞。 火锅配料种类都算多，我哋食咗牛肉粒同鱼柳都OK，当然唔少得蔬菜啦。最后仲有冰冻椰汁燕窝，完美作结。