影片
更多
2022-11-03
531 浏览
近两年响香港嘅冰室开得多过药房，冇咗游客，本土文化突然快速崛起。如果冰室/茶记已经成为香港嘅名物，咁菠萝油 ＋ 奶茶应该可以列入非物质文化遗产。要试间冰室/茶记得唔得，最好就用呢两款食品入手。今日嚟到富华冰室。。。因为去楼上睇医生迟咗，嚟到富华已经11:45，本来谂住食个 early lunch。点知佢12:00前仲可以食早餐，哗！太好了。早餐餐牌除咗来来去去嘅ABC餐外，仲有好多选择。我拣咗罗宋汤通粉配热奶茶。上餐时间唔算快，5分钟左右啦！但一上枱就差啲吓死。哗！乜而家兴早餐啲餐包系食菠萝油嘅咩？再睇睇餐牌，呢个餐真系咁样配搭㖞！😅 唯有驶出「真功夫」喇！菠萝油大过一般男人嘅拳头，都唔知点落口。个菠萝皮超级脆，唔算好甜。但败笔系唔够热，同块牛油一齐做唔到「冰火」效果。摆咗一段时间，块牛油面系实咚咚，只可以硬食口感油腻。热奶茶同样唔够热，化解唔到菠萝油嘅滞。但茶味香浓，入口顺滑，算系合格嘅丝袜奶茶。罗宋汤通粉真系化油腻都系靠佢，罗宋汤味道酸酸甜甜，口感清爽，基本上无得输。以$39 嘅价钱，可以食到咁大份早餐，真系非常抵。虽然水准一般，但合格有余！虽然味道普通，但菠萝包真心好食！虽然脂肪
因为去楼上睇医生迟咗，嚟到富华已经11:45，本来谂住食个 early lunch。点知佢12:00前仲可以食早餐，哗！太好了。早餐餐牌除咗来来去去嘅ABC餐外，仲有好多选择。我拣咗罗宋汤通粉配热奶茶。上餐时间唔算快，5分钟左右啦！但一上枱就差啲吓死。哗！乜而家兴早餐啲餐包系食菠萝油嘅咩？再睇睇餐牌，呢个餐真系咁样配搭㖞！😅 唯有驶出「真功夫」喇！
菠萝油大过一般男人嘅拳头，都唔知点落口。个菠萝皮超级脆，唔算好甜。但败笔系唔够热，同块牛油一齐做唔到「冰火」效果。摆咗一段时间，块牛油面系实咚咚，只可以硬食口感油腻。
热奶茶同样唔够热，化解唔到菠萝油嘅滞。但茶味香浓，入口顺滑，算系合格嘅丝袜奶茶。
罗宋汤通粉真系化油腻都系靠佢，罗宋汤味道酸酸甜甜，口感清爽，基本上无得输。
以$39 嘅价钱，可以食到咁大份早餐，真系非常抵。虽然水准一般，但合格有余！虽然味道普通，但菠萝包真心好食！虽然脂肪胆固醇爆标，但偶尔一次无防嘅！
张贴
