清真牛肉館 (打鼓嶺道)

营业中

休息中

礼拜六中午同auntie黎呢度食lunch，12点钟已经门庭若市，睇黎唔少人同我一样都系睇左蔡澜老先生嘅介绍慕名而来。等左大概45分钟终于可以入座。镇店之宝清真牛肉饼的确名不虚传，皮脆馅靓，肉汁鲜甜，一个人食两个都觉得唔够喉。另外我哋食左卤水牛展，卖相已经觉得失色，啲酱汁又提升唔到牛展嘅味道，所以有哋失望。咖喱羊肉饭不过不失，碟饭有小小硬而且唔热。餐厅二人枱居多，四人以上周末来食嘅话等候时间就会再耐小小。网上见到其他人推荐嘅菜式今次无试到，下次再来食牛肉饼嘅时候会再试下。