影片
更多
2022-12-07
40 浏览
黑布小巷📍北角炮台山电气道160号木兰苑地下A号舖呢日约咗朋友去铜锣湾食饭，因为早得济，而且受我妹所托帮佢去炮台山间M记同只baby mirror Jer打卡，所以就去咗炮台山行下。影完相都未够钟，但朋友又有啲肚饿，所以佢上网揾咗间cafe，谂住可以坐低食啲轻食。点知揾到先发现无开，所以就睇下佢附近有无咩啱食。咁啱喺隔几步就见到呢间台式外卖店，虽然价钱少贵、门面亦唔系太靓，但见到佢写住系黄店同有好几个媒体访问，估计唔会太伏，所以就决定买一份试下！ 💰$53慢烤鸡腿芝士蛋吐司 🍞哗，你有无食过一份会滴汁嘅吐司？台式吐司食得多，但啲馅好似瀑布咁流出嚟嘅，我就真系未试过啦！未咬落去已经见到啲芝士好似熔岩咁涌出嚟，加埋只流心蛋嘅蛋汁，夸张到好似用蛋浆同芝士浸过件吐司咁，一边食、一边滴。虽然多汁，但佢件吐司烤得好香脆，涂嘅牛油又好香，所以唔会出现吸咗啲汁，包就淋晒嘅问题。主角鸡扒系以慢烤方式烹制，加上系鸡腿肉，口感份外嫩滑多汁，食嘅时候基本上系可以用吸嚟形容，超易咬，调味超入味！一开始见到价钱我的确有少少却步，但朋友就趁我周围望嘅时间，用手机落咗单，所以我先有机会试到咁美味嘅吐司三文治！如果每日
📍北角炮台山电气道160号木兰苑地下A号舖
呢日约咗朋友去铜锣湾食饭，因为早得济，而且受我妹所托帮佢去炮台山间M记同只baby mirror Jer打卡，所以就去咗炮台山行下。影完相都未够钟，但朋友又有啲肚饿，所以佢上网揾咗间cafe，谂住可以坐低食啲轻食。点知揾到先发现无开，所以就睇下佢附近有无咩啱食。咁啱喺隔几步就见到呢间台式外卖店，虽然价钱少贵、门面亦唔系太靓，但见到佢写住系黄店同有好几个媒体访问，估计唔会太伏，所以就决定买一份试下！
[价钱 Price]
💰$53
慢烤鸡腿芝士蛋吐司 🍞
哗，你有无食过一份会滴汁嘅吐司？台式吐司食得多，但啲馅好似瀑布咁流出嚟嘅，我就真系未试过啦！未咬落去已经见到啲芝士好似熔岩咁涌出嚟，加埋只流心蛋嘅蛋汁，夸张到好似用蛋浆同芝士浸过件吐司咁，一边食、一边滴。虽然多汁，但佢件吐司烤得好香脆，涂嘅牛油又好香，所以唔会出现吸咗啲汁，包就淋晒嘅问题。
主角鸡扒系以慢烤方式烹制，加上系鸡腿肉，口感份外嫩滑多汁，食嘅时候基本上系可以用吸嚟形容，超易咬，调味超入味！
一开始见到价钱我的确有少少却步，但朋友就趁我周围望嘅时间，用手机落咗单，所以我先有机会试到咁美味嘅吐司三文治！如果每日朝早都食到咁好味嘅早餐就好，一定会好幸福！喺度想多谢返朋友成日俾机会我食到好嘢，又周围陪我探店，thank you so much！
张贴
