清真牛肉館 (打鼓嶺道)

营业中

休息中

📍九龙城话说因为要陪朋友去九龙城办点公事，完成后突然好肚饿，于是就谂起想食呢间😋细个𠮶阵因为住九龙城，亦喺九龙城区读书，清真牛肉馆都已经去过不下数十次，不过以前比较集中去龙岗道𠮶间，而家就只系剩返打鼓岭道一间去得呢度当然首先一定要点佢哋嘅必食名物 - 牛肉饼；一碟有两件，外表睇落普普通通，但一碰上嘴边你会发现成件饼热辣辣，咬落口酱汁四溅，有浓郁嘅牛肉汁味；表皮煎到香脆，旁边软熟好似糯米糍咁；入面嘅牛肉非常丰富浓郁；重点系你要尽量饮晒啲牛肉汁先算系十全十美💯另外再点佢哋嘅另一招牌菜 - 咖喱牛腩饭🍛，牛肉出色已经唔使多讲，但更突出嘅系佢哋嘅咖喱汁，绝对唔系普通货色，辣得嚟好惹味，带出另一个层次；再配返鲜嫩嘅牛肉、冇筋，你会非常想一路追食，可以送晒成碟白饭然后仲有一样比较惊喜嘅系麻辣鸡 - 鸡肉鲜嫩弹滑，配以浓郁嘅麻油同沙茶酱，上面再洒满芝麻，非常好食👍酸辣汤相对就比较一般，不过不失初时以为位置比较偏远应该比较少客人，但未到七点出面已经开始要排队，证明好食嘅餐厅始终都会有捧场客👏