MOO MOO Plus (百德新街) (已結業)

住观塘嘅我哋，仲有一个地方成日会去，就系铜锣湾喇！铜锣湾百德新街唔单止环境好，仲有好多好嘢食，呢间 Moo Moo Plus，我哋经过几次都好想入去试，因为觉得好Chill，后来我哋试咗观塘嘅Moo Moo觉得好惊喜之后，就立定决心要试埋呢间。铜锣堡 HK$148除咗钟意食汉堡，仲好钟意食鹅肝，呢两样加埋一齐，未食都知会好香。佢嘅汉堡一如既往保持水准，由于太厚，一定要用刀切嚟食。鹅肝处理得相当好，唔膻而且外脆内软，外皮少少㶶多多脆，份量大大旧。Moo Moo汁系成个汉堡嘅灵魂，𠮶阵大大嘅生蒜香味，好啱我呢个蒜头控。平铁牛排 HK$180 牛排处理得好好，睇得出系好靓嘅部位，食入口嫰滑又多肉汁，一啲嚡口感觉都冇。最欣赏系个焗蒜头，哗！好少地方有得食喇依家，而且佢焗嘅时间啱啱好，完全带出蒜头嘅香甜。 炸洋葱 HK$58 香口够多汁，一个字：正！PS 呢度嘅环境真系好好，坐得舒服，望出去个View又靓，好啱周末Chill一番。