So Doughlicious (已結業)

小店位于葵涌广场3楼，主打即叫即炸冬甩，每日新鲜手搓面团，自家制，天然食品，感觉无咁邪恶，另外亦有几款面包类同小食供应，小店嘅位置唔算太难揾，所以都唔洗惊会迷路，经过不妨一试～ 见店员现场制作Doughnuts，口味有7款，我全都要！榛子朱古力、伯爵茶、咖啡、吉士、柠檬、蓝莓同士多啤梨，外层炸至脆身，铺满砂糖，馅料饱满，咬落爆浆，甜度适中，唔油腻，性价比高，新年可以开心share！Sandwiches有3款，冇谂过咁大件，手撕猪啖啖肉，条条分明，带点辛辣味，上面有满满沙津菜同酱汁，中和整体油腻感，包皮带淡淡香气，外层微脆，内里软熟，整体层次感丰富🥪小食方面店员推介Potato Bites，果然无介绍错，即叫即炸，粒粒洋葱，食落有口感，香口惹味，唔觉唔觉就食完，另外有Spring Roll，炸至金黄酥脆，皮够薄，芝士味浓，点埋自家制酱汁，正！