影片
更多
2019-11-04
291 浏览
好朋友最近生日，睇咗几间餐厅之后，最后经OpenRice book咗呢间餐厅庆祝，仲可以享用主菜买一送一嘅优惠。我哋准时八点去到餐厅，职员即时带我地入座，仲安排左我事先要求嘅window seat，好有效率👍🏼餐厅布置得几好，枱与枱之间唔会太逼。睇完餐牌后，我同朋友最后决定点以下呢几款食物: 1) 香煎鹅肝伴焦糖苹果、红桑子黑醋烧汁2) 美式蟹肉周打汤伴牛油果忌廉3) 烤美国特级安格斯肉眼伴牛油焗露笋姜味照烧汁 10oz (medium rare) 4) 烤缅因州龙虾尾伴牛肝菌龙虾汁扁意粉5) 惊喜甜品拼盘6) 饮品两杯 (Fun Panda, Fruit Punch) 食物嘅质素比想像中高，有惊喜，唔会话因为做咗买一送一嘅优惠而令到啲食物唔好食或者份量少。个鹅肝好肥美，好Juicy，啲伴酱酸酸地好开胃。个汤好Creamy，同朋友两份share，餐厅好细心咁帮我地分两碗上。肉眼扒超大份，上下一共两块，火喉啱啱好，冇血水之余亦能锁住肉汁，肉味好香。个意粉好挂汁，好浓好香嘅龙虾汁味，好食！我嘅饮品Fun Panda调得好好饮，好milky，冇药水味。食完之后，我借故去洗手间，向工作人员打一
我哋准时八点去到餐厅，职员即时带我地入座，仲安排左我事先要求嘅window seat，好有效率👍🏼餐厅布置得几好，枱与枱之间唔会太逼。
睇完餐牌后，我同朋友最后决定点以下呢几款食物:
1) 香煎鹅肝伴焦糖苹果、红桑子黑醋烧汁
2) 美式蟹肉周打汤伴牛油果忌廉
3) 烤美国特级安格斯肉眼伴牛油焗露笋姜味照烧汁 10oz (medium rare)
4) 烤缅因州龙虾尾伴牛肝菌龙虾汁扁意粉
5) 惊喜甜品拼盘
6) 饮品两杯 (Fun Panda, Fruit Punch)
食物嘅质素比想像中高，有惊喜，唔会话因为做咗买一送一嘅优惠而令到啲食物唔好食或者份量少。
个鹅肝好肥美，好Juicy，啲伴酱酸酸地好开胃。
个汤好Creamy，同朋友两份share，餐厅好细心咁帮我地分两碗上。
肉眼扒超大份，上下一共两块，火喉啱啱好，冇血水之余亦能锁住肉汁，肉味好香。
个意粉好挂汁，好浓好香嘅龙虾汁味，好食！
我嘅饮品Fun Panda调得好好饮，好milky，冇药水味。
食完之后，我借故去洗手间，向工作人员打一打眼色。佢好醒目即刻叫咗另一位同事同我一齐行出门口。我点左一份惊喜甜品拼盘，然后交低两支蜡烛加几张我朋友嘅黑图相😂😂😂请餐厅安排帮我将啲相插系个甜品上面。
餐厅职员好俾心机帮我布置个甜品，我见到佢哋几个夹手夹脚咁整😂😂😂😂最后甜品上枱嘅时候，成功令到我朋友大笑！成晚笑唔停🤣甜品师傅手字仲写得好靓，赞！
总括而言，餐厅嘅食物水准高，职员嘅服务态度都好好，够细心同好周到，价钱亦都好合理，值得再去。最后好多谢喺03/11/2019晚当值嘅餐厅职员，令我同朋友都留下左一个好开心好爆笑嘅回忆👻👻👻
香煎鹅肝伴焦糖苹果、红桑子黑醋烧汁
$178
3 浏览
0 赞好
0 留言
烤美国特级安格斯肉眼伴牛油焗露笋姜味照烧汁
$358
25 浏览
0 赞好
0 留言
烤缅因州龙虾尾伴牛肝菌龙虾汁扁意粉
22 浏览
0 赞好
0 留言
惊喜甜品拼盘
$98
14 浏览
0 赞好
0 留言
张贴
