燒烤堂 (已結業)

黄埔花园半日游， 又行埋黄埔号睇家私， 真系多姿多彩一日都行唔晒， 行到脚仔软想揾间餐厅坐低歇一歇， 讲到黄埔嘅食街一定系德民街一带，仲听讲有唔少特式小店。于是我哋就揾到呢间烧烤堂，店外装修以居酒屋嘅格局，原来已经俾佢吸引住都唔知。每台客坐低无耐都有店员介绍同推介几款小食。当中包括牛仔骨，服务态度相当良好。讲解过后，凭著张菜单纸仔就点咗以下食物。1,烧鸡皮2,虎皮尖椒3,芥末猪颈肉4,黑豚肉韭菜花卷5,牛油蒜蓉焗杂菌5,鹌鹑蛋蟹子冷荞麦面6,韩式牛仔骨其实整体食材我觉得极新鲜，烧得够晒火喉香喷喷，而个人觉得，精髓系在于枱上的两支调味粉，一支系辣粉，另一支系类似孜然粉的东西，极配合重口味的我。意想不到的是鸡皮竟带比我惊喜，原来系一大块上，仲烧到卜卜脆，随自己喜好加上辣粉后，极邪恶，第一次咁食烧鸡皮，饮埋支冰冻啤酒正爆！至于被推荐的牛仔骨，真系有韩烧嘅感觉，带有小甜的风味，将骨位同肉切好分开，食的时候不会太大件而且小块更加入味，用生菜包住泡菜甘青瓜条甘笋条，别具一番风味。对比一般嘅串烧店都整到皱皮又扁又腍，呢度质素包括环境真系的确高一线，喜欢食串烧嘅朋友呢度有得谂。