Ocio (已結業)

10月27日, 食完lunch, 出到铜锣湾又口痕痕想食下野~ 经过Ocio, 醒起之前买咗ocio嘅团购卷可以用, 于是傻下傻下走咗入去… 但原来张coupon系未用得架! 结果我地两个人少少地share咗个classic waffle tea set试下~::: Classic Waffle + Latte ::: $45Classic Waffle其实就系waffle加上鲜果粒同埋一球云呢拿雪糕, 再淋上少少蜜糖~ 窝夫都几大件, 外层烘得十分香脆, 而切开里面就系超松软蛋糕层! 窝夫蛋味香浓, 系食得出嘅真材实料~ 鲜果粒以甜中带酸嘅生果如奇异果、士多啤梨、蓝莓同芒果、火龙果为主, 正好为略甜嘅蜜糖酱提供中和作用. 另外, 雪糕同窝夫嘅配搭永远都系无敌的~ 基本上如果当tea的话两个人share都够!Latte咖啡味够香不过饮落唔算太浓, 不过奶泡十分丰盈, 奶味足, ok啦~从旺角店到铜锣湾, 睇得出Ocio都花过一番心机去经营~ 呢度嘅waffle有咸甜两食可选, 除此之外亦有提供沙律、意粉、甜饼等轻食, 相信系唔少少女心目中嘅聚会好去处!