尚月廚房 (餃子湯麵專門店) (已結業)

假日午市食lunch，餐厅新开业一段时间，环境干净，主打饺子、爆汁牛丸，价钱亲民。叫左汤饺子双拼菠菜面($46)，芝心牛丸菠菜面($42)，芥末青椒皮蛋($14)。双拼饺子各款有3大只，粟米猪肉饺既粟米香甜。韩式辣味猪肉饺馅料有特色，唔算好辣，泡菜惹味，几开胃，饺子皮厚度适中。而芝心牛丸有惊喜，一咬d汁及芝士爆哂出黎，食个阵要好小心。芝士少少拉丝，就好似食紧芝心丸。牛丸重牛味，爽口，值得叫黎食下，因为好少见。菠菜面既菠菜味唔算好浓郁，份量多，就算男仔食都好饱。小食芥末皮蛋几过瘾，好少餐厅会配芥末酱。餐厅制作既芥末酱唔会呛鼻，同皮蛋又几夹，会愈食愈上瘾。不过一碟既份量唔算多。整体，难得系马鞍山揾到好食餐厅，而且唔贵，清淡。