阿杏飯團 (富時中心)

营业中

休息中

旺角行完街顺便买埋外卖返屋企2人食，买咗台式粢饭饭团做晚餐，简单又不失营养再配埋杯台式饮品，饱饱又满足。啖啖肉肉套餐 $67新宿烧汁牛扒饭团热辣辣的糯米加紫米包住丰富馅料，糯米软糯得来有d口感，入面嘅烧汁牛扒好香，牛扒软熟，加上混入沙律酱嘅生菜丝，脆脆油炸鬼粒，咸香肉松，同埋一啲香菇，啖啖肉得来，口感又丰富。黑糖珍珠奶茶点了少冰，奶茶香滑，重奶香，加上香甜烟韧黑糖珍珠，好满足。咸蛋套餐$59金沙咸蛋饭团呢个之前食过，真系超邪恶超香，每一口都可以食到咸蛋，咸蛋起沙甘香，加上肉松，沙律菜及其他配料，每口都是美味。椰果四季春 食完咸蛋黄咁邪恶嘅嘢，饮番杯四季春清清喉咙，感觉舒服清新，加上椰果几有咬口，好清爽。