影片
更多
2021-02-26
1297 浏览
好耐无食炉端烧啦，今日心血来潮好想食，随便上网揾咗间喺尖沙咀嘅炉端烧。 餐厅唔算好大，有吧台同埋塌塌米，感觉好日式，我哋当然拣咗坐吧台，可以同时欣赏师傅制作过程。 我哋拣咗2个lunch set，每个lunch set🍱包咗小食两种、白饭🍚、汤🥣同主食。 呢度嘅小食同平时出面食嘅小食好唔同，全部都系御番菜，即系日本嘅家常小菜，平时去日本食鱼生就食得多，家常小菜真系未试过，估唔到呢度有得试，感觉好特别。 炸鱼南蛮渍有洋葱🧄、葱，食落酸酸哋，感觉好开胃。 和牛舌生姜煮食落微辣，感觉醒神开胃。 鸭肉烧系冻食，有柠檬酸🍋同埋酱油香味。 筑前煮有牛蒡、冬菇、莲藕、芋头同埋猪肉，味道都几好。 博多风鸡颈肉拌蛋黄柚子醋：鸡颈肉平时绝对唔会食，不过见餐牌个名好似好吸引就试咗，果然无令我失望，鸡颈肉烧得好香，食落好爽口，点蛋黄柚子醋酸酸哋，味道出奇地咁夹，送饭一流。 西班牙黑毛猪柳🐖好香，微焦口感食落微微香脆，肉质嫩滑，加少少柠檬汁都唔错。 甜品星野村烘焙茶布甸有淡淡茶香味，布甸好滑，加少少红豆蓉一齐食，个味道都几夹。 天神布甸其实即系焦糖布甸🍮，店员话可以加啲海盐或者柠檬汁嚟食，味道别有一番风味，不过
好耐无食炉端烧啦，今日心血来潮好想食，随便上网揾咗间喺尖沙咀嘅炉端烧。
餐厅唔算好大，有吧台同埋塌塌米，感觉好日式，我哋当然拣咗坐吧台，可以同时欣赏师傅制作过程。
我哋拣咗2个lunch set，每个lunch set🍱包咗小食两种、白饭🍚、汤🥣同主食。
呢度嘅小食同平时出面食嘅小食好唔同，全部都系御番菜，即系日本嘅家常小菜，平时去日本食鱼生就食得多，家常小菜真系未试过，估唔到呢度有得试，感觉好特别。
炸鱼南蛮渍有洋葱🧄、葱，食落酸酸哋，感觉好开胃。
和牛舌生姜煮食落微辣，感觉醒神开胃。
鸭肉烧系冻食，有柠檬酸🍋同埋酱油香味。
筑前煮有牛蒡、冬菇、莲藕、芋头同埋猪肉，味道都几好。
博多风鸡颈肉拌蛋黄柚子醋：鸡颈肉平时绝对唔会食，不过见餐牌个名好似好吸引就试咗，果然无令我失望，鸡颈肉烧得好香，食落好爽口，点蛋黄柚子醋酸酸哋，味道出奇地咁夹，送饭一流。
西班牙黑毛猪柳🐖好香，微焦口感食落微微香脆，肉质嫩滑，加少少柠檬汁都唔错。
甜品星野村烘焙茶布甸有淡淡茶香味，布甸好滑，加少少红豆蓉一齐食，个味道都几夹。
天神布甸其实即系焦糖布甸🍮，店员话可以加啲海盐或者柠檬汁嚟食，味道别有一番风味，不过又甜又咸未必个个啱食😆
食饱饮番杯绿茶🍵消下滞先...绿茶味浓，而且可以无限添饮。
张贴
