綠林三記甜品 (已結業)

同班老死晌增辉食完饭，意犹未尽，咁啱转番出元州街有间绿林三记，食碗糖水以完结此行。时为九点几，人客唔多，得三几枱人。我哋各有各叫，小弟就嚟一碗鲜蜜瓜明珠。其实依间嘢都开咗好多年，因为小弟读中学年代已见佢，大大话话都十多廿年都有。以前间中都有嚟帮衬，因为糖水晌依区劲平，𠮶时人哋卖紧8、9蚊碗渣喳，佢只系卖紧$5咋，学生哥年代以平行先，边识好食唔好食架。今晚嚟到，被睇中嘅系鲜蜜瓜明珠，卖$15，好耐未食过明珠系列喇。除明珠系列，仲有传统系列、糖水配搭系列、西米系列、凉粉系列、豆花系列、黑珍珠系列、紫糯米系列、炖品………等等，总有一款啱你心水。鲜蜜瓜明珠，大大粒「明珠」满布碗中，添加了椰奶糖水，上面满满铺晒蜜瓜，份量十足。蜜瓜鲜甜，够香够熟。不过，今匀嘅明珠难食得很，质地很烂好糊口，水准大跌㖞，只好忍心俾个喊佢。