Tulsi & Wine (已結業)

几日假期又无得出走，唯有继续系香港到揾食算 ，所以假期嘅第一日，我就决定出城，由新界去港岛!搭巴士再转叮叮，之后就要行夺命斜路同楼梯，搭地铁行去餐厅会舒服好多倍。之前都有试过呢间餐厅，星期五夜晚都可以话系全场爆满，星期六嘅晏昼就得几枱人。餐厅有提供假日嘅早午套餐，啱晒我呢啲有选择困难症嘅人，最后就拣咗个二人餐share所有早午餐都有餐汤同埋可以享用自助沙律吧，餐汤就系南瓜汤，南瓜味唔系太浓，亦都唔系太稠，所以要加少少黑椒调味。而沙律吧嘅选择都好简单，有车厘茄、粟米、生菜、青瓜同鸡肉洋葱沙律，酱汁就有槛㰖油、黑醋和千岛酱，鸡肉洋葱沙律几开胃 ，酸酸甜甜，有啲似泰式嘅沙律。呢个二人套餐就包两杯野饮，之前饮过芒果奶昔Mango Lassi，觉得几好，所以就加多廿蚊将其中一杯餐饮改为芒果奶昔。话就话系奶昔，但系质感唔系好稠，而且都唔系重奶味，酸甜嘅芒果味，可以减轻野食嘅油腻感呢个餐仲有跟黑松露印度薄饼Truffle Naan，上次黎系连埋咖哩一齐食，觉得黑松露味道都几出，不过今次无其他酱汁点，净食呢个薄饼，味道比较淡，不过口感就几好，烟韧得黎有少少脆终于个主菜上枱喇，呢个天多罗拼盘有鸡肉Chi