鍾廚

营业中

休息中

今次係叫左8人父親節套餐，份量十足10個人食都仲得，上菜都唔算慢，有送bless 橙汁都幾抵前菜其實都好大碟叉燒係夠熱嘅，大家最欣賞係碟冰鎮咕嚕肉，原本套餐唔係依款菜，俾我地改又唔洗加錢都幾好，個咕嚕肉外面冰凍同脆，內面熱同軟，有少少肥肉，食到停唔到口。至於蠬蝦都算大大隻，有啲肉食下，條魚都好大條，同酒樓擺酒一枱12人果啲咁重，甜品個黑芝麻糊好香，唔會太甜，仲有杏仁糊可以選，都ok ，感覺抵食唯一有啲煩係要自助煲水，成餐飯由於人數唔少不停煲水都幾煩，但啲水沖茶一定夠熱，都有好有壞嘅。