御滿屋日本料理

营业中

休息中

父亲节book 左食中午放题$228+1 每位我哋食头一轮落单后，啲野食都要15-20分钟先黎，点左刺身、熟食、寿司等等。等候期间，我哋岀左去沙律吧夹野食，熟食有炸薯角、炸薯条、炸朱古力波波球、炒菜等，前菜当中有无限蟹籽供应，系其他放题店少见。食左一轮熟食同寿司，啲刺身先到，我哋食A餐(最平个set），餐牌上可以点既刺身都点哂，当中甜虾好唔新鲜，卖相已经唔得，食左一只系臭既，另外剑鱼腩食落口好似像根咁，其余刺身都正常，特别一提三文鱼几新鲜。之后有点羊架、烧菠萝、海鲜泡饭、烧鸡翼、牛肉乌冬、炒辣螺、烧秋刀鱼、烧馒鱼等等。食后感系，熟食好味过寿司刺身😂店内都有甜品区，不过我哋食到好饱无拎到，但有点雪糕，有movenpick 同 haagen dazs 拣。