尚上下夏 - 養生雞煲火鍋 (已結業)

父亲节一家人去咗试下依间火锅店，之前经过见到佢个装修几特色，好有香港地道既味道, 个名又改得咁鬼马。佢依度有鸡煲火锅或者就咁打边炉，今次我地就无拣鸡煲，拣咗鸳鸯汤底打边炉。店内既装修好有香港特色。一坐底店员就放底咗依个酱料盆俾我地，好齐全。汤底分别拣咗瑶柱群翅鸡汤同养生药膳汤，啱哂一家大细。两个汤底都好足料，香浓好味道，真系一个俾人饮既汤咁。今日父亲节我地一于食豪啲，叫咗依个最顶级既手切极品靓牛，一定满足到一班牛魔王喇，睇颜色同花纹就知一定好食喇。打边炉除咗牛肉之外，仲有海鲜都唔少得，依个系海龙王拼盘，里面有大虎虾，鲍鱼，带子皇，蛏子皇，花胶，珊瑚蚌，桂花蚌同花甲，我地叫既系4人用既，啲份量都好够，同新鲜。依度啲手打肉丸都值得一试，尤其系依个手打香蕉墨鱼丸，第二度试唔到，香蕉味既墨鱼丸真系好特别。我地仲叫咗其他好多野食，每样都无令人失望。想打边炉依间尚上下夏系一个好选择，下次我会试埋佢个鸡煲带几好味先得。