影片
更多
2010-07-14
791 浏览
今日系鬼佬父亲节，龙顺轩唔使等好耐就有位，但系要搭台嗟!...望吓个餐牌，所有点心连茶钱全部临时加晒价，真系良心老板...牛肉肠--本来叫叉烧肠，等咗20分钟来错牛肉肠。之前知呢间店操作混乱，都系食咗先至讲。牛肉拌和荵花、肠粉尚算嫩滑，味道可以接受。鲜虾腐皮卷--外皮够脆，虾肉较少...食之无味，弃之可惜...糯米卷--糯米花生馅软绵香口。膜皮好薄，入口干涸，糯米卷唔得新鲜。流沙包--还幸保持水准，中上质素。猪大肠--酱料入味，大肠肥美，就是只得6小件太少，反而垫底的咸酸菜大大件的喧宾夺主。咖哩鱿鱼--劲多油无乜汁，鱿鱼嚡口厚身，只有咖哩粉死味。四宝鸡扎--上次无腐皮，店家用伊面条取替失败之极。今次正常出品，火腿、猪皮、鸡件、香菇、腐皮足料挽回不少分数。屋邨茶楼，7笼点心3位茶连加一差唔多$200...唉!...
望吓个餐牌，所有点心连茶钱全部临时加晒价，真系良心老板...
牛肉肠--本来叫叉烧肠，等咗20分钟来错牛肉肠。之前知呢间店操作混乱，都系食咗先至讲。牛肉拌和荵花、肠粉尚算嫩滑，味道可以接受。
鲜虾腐皮卷--外皮够脆，虾肉较少...食之无味，弃之可惜...
糯米卷--糯米花生馅软绵香口。膜皮好薄，入口干涸，糯米卷唔得新鲜。
流沙包--还幸保持水准，中上质素。
猪大肠--酱料入味，大肠肥美，就是只得6小件太少，反而垫底的咸酸菜大大件的喧宾夺主。
咖哩鱿鱼--劲多油无乜汁，鱿鱼嚡口厚身，只有咖哩粉死味。
四宝鸡扎--上次无腐皮，店家用伊面条取替失败之极。今次正常出品，火腿、猪皮、鸡件、香菇、腐皮足料挽回不少分数。
屋邨茶楼，7笼点心3位茶连加一差唔多$200...唉!...
张贴
