Doux (已結業)

时日父亲节，就同父亲大人去左旺角既DOUX食fusion菜。 餐厅装修高尚，环境清静优雅，系个适合倾偈既好地方。睇左个menu之后，我地就叫左烟三文鱼沙律 (HKD 98)，经典汉堡 (HKD 128)同埋青口香槟忌廉汁意粉 (HKD 138)。至于甜品就叫左matches (HKD 98)。先黎既系个沙律，分量唔细同卖相唔错，另附有黑醋。佢有好多烟三文鱼，味道非常鲜甜，而且仲有好多沙律菜，蕃茄，士多啤梨同合桃。呢个系个唔错既开胃前菜。跟住黎既就系个汉堡，内有牛肉汉堡，蕃茄，生菜，秘制沙律酱，洋葱。另外，仲有炸薯条。个汉堡好大个，用料又够足，味道唔错，我同阿爸都要打开哂个口先可以勉强食一啖。不过，味道认真唔错，而薯条就炸得干身唔油腻。再黎既就系个意粉，好香忌廉味，而且有成10只青口咁多，同好好肉地，味道好好。青口个壳可以放置系一个桶度。意粉好幼好嫩滑。最后黎既就系个甜品火柴，系一个橙味既慕丝，而且有咖啡味。另外，仲有黄油橙既脆饼。成个甜品卖相好精致，整到成个火柴盒，厨师个心思同技巧都一流。