大將

营业中

休息中

今日系父亲节 我哋嚟到大将日式火锅放题 庆祝特别日子 试咗$278嘅Prime牛肩肉套餐 😋 餐厅提供多种汤底选择 由于每人一锅 所以我哋嗌咗沙嗲汤底 蕃茄汤底 寿喜烧汤底同鸡白汤底 每样都试吓 🥘汤底方面 沙嗲汤底带有香浓嘅沙嗲味 唔会太辣但好开胃 蕃茄汤底酸甜适中 非常清新 寿喜烧汤底甜甜地 特别适合配牛肉 鸡白汤底浓郁 味道非常丰富 最好食都系寿喜烧汤底 😋 自助吧有好多酱料选择 可以自己调配 真系好方便熟食自助区有好多选择 啲嘢食都几好食 尤其是蔬菜同火锅配料 新鲜又多种类 🥬 饮品方面 种类繁多 可以任饮 甜品区真系最吸引 可以自制窝夫 刨冰同软雪糕 真系好开心 🍨第一转已经夹咗好多好好食嘅牛肉同新鲜嘅沙白蚬 特别系滑牛 真系值得一试再试 🥩 唯一不足嘅系 加单速度比较慢 要等一阵 但系整体嚟讲 食物质素真系唔错 👍之前睇过好多食评话佢哋嘅态度服务唔好 但系今次嚟到现场 我感觉唔差 服务员态度都几好 亦都几有效率 整体嚟讲 呢次嘅父亲节日式火锅放题体验真系非常满意 值得推荐 😊