禮記 (已結業)

是日一家人一齐到将军澳食饭，晚餐选择左系礼记食中菜，当庆祝父亲节~锦卤云吞 云吞香脆不油腻，配埋酱汁一齐食，酸酸甜甜口感特别。餐厅装修古色古香，环境舒适和干净, 同埋楼底高, 望落去空间感好大。职员热情地为我地介绍, 决定试下"玫瑰荔枝茶"，玫瑰荔枝茶好香，味道清新，小朋友都好钟意饮。芊芊姐姐仲话要同我干杯㖭🤣🤣。樱花虾鳗鱼炒饭 樱花虾鳗鱼炒饭系用石锅装住的，够晒热辣辣。我哋一家人都好钟意食炒饭，呢个炒饭粒粒分明，又唔会好油好热气，配埋鳗鱼樱花虾食啱啱好。招牌鸿运脆皮鸡（半只）店员积极推介呢款招牌鸡，一上枱已经觉得好吸引，鸡皮好脆，鸡肉唔会太多肥, 鸡肉嫩滑、入味，非常惹味，芊芊姐姐好钟意食呀😍。