京都薈 (已結業)

父亲节特意带爸爸去「饮啖茶，食个包」，好难得可以一家齐人饮茶。正日庆祝都预左要比贵啲，平日做嘅特价点心优惠同套餐当日都暂停，所以我哋就散叫点心同粉面。一家四口总共叫了8样点心和一碟上汤大虾伊面，虽然当日茶楼好多人但上菜都算快，等左一阵就出左三、四个点心，唔使饿住肚仔等野食。烧卖入口弹牙，嚼劲十足，猪肉香之余虾都有鲜味。鸡札大大件好抵食，入面包住滑鸡柳、蟹柳同鱼肚等。最好味喺鱼肚，吸收了其他馅料的精华，食落口感爽口美味。细个同屋企人饮茶好钟意食灌汤饺，所以今次特意再叫嚟食，不过佢嘅汤底好一般，味道单调同埋里面馅料唔多，有点儿失望。牛肉肠粉皮薄滑溜，包住里面嘅牛肉都算足料，不过不失。四人食到捧腹离开，埋单约500几蚊，虽然同样嘅食物比平时卖得贵啲，但一家人食得咁开心都值得。