潮福蒸氣石鍋 (已結業)

感恩每个月总有节日，可以有机会有藉口一家人食餐饭，今个月又到父亲节，原本相约家人去西贡食海鲜，一来近年多数转战流浮山同三圣，另一个原因系细细个爸爸差唔多个个星期日都带我地去西贡食海鲜，叫做想下当年！可惜几兄妹呢两个星期超级公事繁忙，结果无人订枱，到今日做节又间间爆场，醒目嘅妈咪找来呢间仲有大枱，有得食就咩都无所谓啦！叫左个节目餐加龙趸两味，节日餐包括乳猪拼盘，义烧油鸡干柴；冬瓜盅正常好味；椒盐焗鲜鱿，略咸；薯仔和牛粒，都系咸；果醋生炒骨，真系得骨无肉，我食左两粒都系骨；干扁四季豆，正常；莲蓉寿包，本应容易好味嘅包都竟然唔好食！ 埋单真系超平，人均$150。只能够讲句，质素反映左价钱。总括黎讲，呢间野坚伏 要系父亲节中伏，做女嘅真的于心有愧，唯有快快手手搞多次饭局补飞啦！