16 Shell (已結業)

平时呢d大时大节都系食中餐， 今次破格一行9 大5细路食西餐！！！ 好似包咗半间小店咁滞拣呢间都几方便， 有两个司机， d车泊门口， 超正. 搭巴士都好方便， 行返出英皇道就大把车搭~ 我地乜都叫d, 食到真系超饱~当然先叫佢既名物， 黑炭黑蒜蓉包， 真系好好食~ 黑蒜嘅甜味好香， 食完都觉得自己健康咗. 法式田螺都好好食~人多有呢样好， 真系可以试好多唔同嘢~两个pizza都好好食， 酥皮黑松露比萨批 &意大利辣肉肠比萨批， 好特别， 连d老人家都好钟意食. 无骨鸡脾好好食~ 大虾同带子坚大只， 真系好大好大只， 一上枱， 个个都哗哗声 有d好钟意个辣意粉， 我就超钟意个黑蒜意粉， 超级好食~ 我地仲叫咗个牛扒同猪扒share, 哗。。。。。 个猪真系不得了， 全枱激赞， 有d仲话未食过咁淋咁好食嘅猪扒, 总之呢餐真系不得了， 好正 个白酒焗鲈鱼都好好食， 我唔系咁钟意食鱼都食到唔停口， 好好食~最后叫埋个tiramisu, 估佢唔好， 都好出色， 呢餐真系饱到飞起， 出唔到去再食甜品。。。。。 好食， 好饱~ 大时大节都可以食西餐架最后发现重点。。。。 佢menu话唔落味精