影片
更多
2021-06-25
70 浏览
父亲节当然要带爸爸食餐好啦。而同长辈食，首选一定系中菜。招牌小笼包 $68每次食小笼包最惊就系未入口已爆汁。好彩呢到嘅小笼包皮薄得嚟唔易穿，一咬落去好多汤汁。忍唔住再叫多一笼。爆汁牛肉煎饼 $48呢一款系店员推介，估唔到真系有惊喜。表面煎到好香脆，入口浓浓嘅牛肉味。仲系爆汁嫁，所以记得唔好太热放入口京沪酥香烤鸭（例） $368烤鸭需时比较耐，所以一坐低就即刻叫。例牌约有40片，加6种配料。京葱、酱油、青瓜、蒜蓉、砂糖、仲有一款系红菜头？家人钟意尝试新野， 6款配料夹埋一齐。口感非常丰富。而我就简单一啲，酱油加青瓜。用鸭饼包住，青瓜嘅爽脆、酱油嘅咸香、烤鸭香脆惹味。食到停唔到口。杨枝甘露伴雪糕 $48用冰镇住上枱，保持冰冻。加上水晶珠，口感特别。如果可以大杯小小就完美啦。题外话，餐厅有一部份可以望住溜冰场。边食边欣赏人溜冰，别有一番风味。而钟意宁静嘅亦可同店员安排卡位。
招牌小笼包 $68
每次食小笼包最惊就系未入口已爆汁。
好彩呢到嘅小笼包皮薄得嚟唔易穿，一咬落去好多汤汁。忍唔住再叫多一笼。
爆汁牛肉煎饼 $48
呢一款系店员推介，估唔到真系有惊喜。
表面煎到好香脆，入口浓浓嘅牛肉味。仲系爆汁嫁，所以记得唔好太热放入口
京沪酥香烤鸭（例） $368
烤鸭需时比较耐，所以一坐低就即刻叫。
例牌约有40片，加6种配料。
京葱、酱油、青瓜、蒜蓉、砂糖、仲有一款系红菜头？
家人钟意尝试新野， 6款配料夹埋一齐。口感非常丰富。
而我就简单一啲，酱油加青瓜。用鸭饼包住，青瓜嘅爽脆、酱油嘅咸香、烤鸭香脆惹味。食到停唔到口。
杨枝甘露伴雪糕 $48
用冰镇住上枱，保持冰冻。加上水晶珠，口感特别。如果可以大杯小小就完美啦。
题外话，餐厅有一部份可以望住溜冰场。边食边欣赏人溜冰，别有一番风味。而钟意宁静嘅亦可同店员安排卡位。
张贴
