鳳城1954 (MegaBox)

营业中

休息中

平时唔钟意食中菜但系就吓老人家父亲节饮茶，觉得都呢间都唔错，有传统点心，亦都有啲fusion菜式，适合唔同口味嘅人。叫咗好多小菜同埋少少点心，全部味道都几好，但某啲菜式嘅份量就比较少，例如麻酱手撕鸡、黑醋木耳同1954虾多士就得好少或者好细份，虾多士直头系一口咁滞😓。比较推荐嘅菜式有脆皮咕噜肉、蚝仔炒蛋同贵妃bb鸽。👍🏻咕噜肉嘅汁佢放咗喺个菠萝入面，所以蘸几多可以自己决定唔怕太酸或者太甜，而且可以保留个炸得好酥脆嘅皮。😍😋蚝仔蛋炒得好脆而且畀得几多蚝仔，只鸽就好滑同入味但真系得好细只。特别啲嘅菜色就例如芝士三文鱼挞同炒奶。个人都几欣赏个三文鱼挞，内里有白汁好特别，不过都系得一口。个炒奶原来系醎嘅，但味道都几好同埋几滑。另外鱼汤浸唐生菜个鱼汤非常浓。虾春卷、牛肉肠同粉菓就正常茶楼水准，不过摆盘靓啲咁解。个虾膏海皇蛋白炒饭都几大碟同足料。猪唛叉烧包有猪仔造型，系几可爱嘅。🐷service方面，唔知系咪特别节日所以好似唔够人手咁，不停叫人都冇人，而且态度有啲唔helpful咁。🙄父亲节饮茶有extra charges所以人均消费比较高，觉得有啲唔抵，但既然味道唔错就算啦。