蓮香棧 (已結業)

难得老爷赏面出街食饭...当然要揾D佢钟意食既野喇...老爷钟意食传统野..今次就拣左莲香栈喇~其实有几样味系一心想黎试...但奈何老爷就话惊食唔晒...叫我地唔好嗌太多野而放弃左...今次叫左金钱鸡,烧鹅,大马站煲,海鲜杂菜煲同杏汁猪肺汤...金钱鸡原来唔系鸡...只系用左一片肝脏同一片叉烧夹住一片肥膏...小妹我就真系唔多识欣赏...我已经拣左4件之中最薄果件黎试...入口...好香肝味...之后几乎都系油脂味!好劲既罪孽心...烧鹅皮脆肉嫩~唔错~仲要有下庄!大马站煲其实就系虾酱豆腐九菜火腩煲~好惹味!海鲜杂菜煲就同平时一般食到既差唔多~杏汁猪肺汤...我个人本身就唔太好杏汁野既...点知...当晚...得饮左3碗...可能细个时俾阿妈迫饮杏霜果D全部都系甜野...今次转左做汤完全系2件事...身为汤怪既我...系咁encore...猪肺又洗得好干净冇异味...仲要落左好多鸡脚同意米煲~正!