金翠餐廳 (已搬遷) 新店位置

爸爸最钟意食羊鞍/羊扒,所以我陪爸爸行花墟后,顺道揾价钱唔贵但好食嘅餐厅肚,路过见到扒餐价钱合理,决定一试。我同爸爸一人一份香草煎羊鞍餐,包饮品餐汤。红汤/罗宋汤里有大量蔬菜,好味,交足货唔会水汪汪。轮到主菜出菜,我同爸爸急不及待大啖食,羊肉软熟多汁充满香草芳香,连牙力唔够嘅爸爸都赞羊肉松软,味道唔比酒店自助餐逊色,十分钟内我哋已经将羊鞍KO!至于餐茶热奶茶够香浓。埋单$78×2免加一,超扺食,下次一定会再帮衬！