影片
更多
2018-01-31
360 浏览
唔知各位黄大仙友有冇听过凤园冰室呢间茶餐厅？屋企无煮饭嘅日子 爸爸永远都系提议食凤园（系嘅 平靓正 用心制作 但我有时都会抗议爸爸无嚟新意😂）爸爸无新意 但系凤园有 最近咁冻 佢地就出咗煲仔饭🤤🤤大家都知宜家庙街好多煲仔饭都... 唔知系咪一碗白饭放落去扮煲仔咁😂 反而普通餐厅仔有时仲有惊喜今日叫咗油鸭脾煲仔饭 爸爸教落 落完鼓油要再盖盖 焗多阵d饭焦先够正😏Whoa😮 油鸭脾少少偏咸 但捞饭几正 饭焦（无影到）好脆又唔会黑色一旧 好味另一款系我个人最爱 咸鱼土鱿煎肉饼呢啲先系真正嘅极邪恶！煎肉饼比蒸热气 但好惹味🤤 一碟有5件 𩠌2碗饭都够值得留意系每个饭都跟明火例汤 日日唔同 无味精！（图中系花生粉葛猪骨汤）系住家饭嘅味道😂 饭同汤都任添㗎 加$5就跟埋冻热饭同爸爸两个食到饱饱 要打包 但埋单只系$115 性价比极高 老板又好nice 真心值得支持
屋企无煮饭嘅日子 爸爸永远都系提议食凤园（系嘅 平靓正 用心制作 但我有时都会抗议爸爸无嚟新意😂）
爸爸无新意 但系凤园有 最近咁冻 佢地就出咗煲仔饭🤤🤤
大家都知宜家庙街好多煲仔饭都... 唔知系咪一碗白饭放落去扮煲仔咁😂 反而普通餐厅仔有时仲有惊喜
今日叫咗油鸭脾煲仔饭 爸爸教落 落完鼓油要再盖盖 焗多阵d饭焦先够正😏
Whoa😮 油鸭脾少少偏咸 但捞饭几正 饭焦（无影到）好脆又唔会黑色一旧 好味
另一款系我个人最爱 咸鱼土鱿煎肉饼
呢啲先系真正嘅极邪恶！煎肉饼比蒸热气 但好惹味🤤 一碟有5件 𩠌2碗饭都够
值得留意系每个饭都跟明火例汤 日日唔同 无味精！（图中系花生粉葛猪骨汤）系住家饭嘅味道😂 饭同汤都任添㗎 加$5就跟埋冻热饭
同爸爸两个食到饱饱 要打包 但埋单只系$115 性价比极高 老板又好nice 真心值得支持
张贴
