功德林上海素食 (北京道一號)

营业中

休息中

我爸爸系一个信佛的人，过时过节都会食素，佢的生日都唔例外，所以我地就请咗佢去功德林食个饭庆祝下。我兄弟当中，有个无肉不欢，食素对佢来讲系一定唔会饱，但系今次佢食完都对素食改观（因为饱啰）。我地叫咗素鹅，茄子，豆腐饺子，炒菜，面，炒饭，当然仲有寿饱啦。（啲𩠌名唔记得咗，真系唔好意思）素鹅系用腐皮做的，唔知点解食落真系有啲似鹅，仲要有鹅味。茄子系一般出面食到的茄子，所以无乜惊喜。豆腐饺子系个未食都要好好欣赏的菜，佢用豆腐来做饺子皮，好薄好靓；食的时候，有好重的豆味，赞。炒菜其实系面条炒豆，佢用的好似系茴香豆，好少会系出面食到。面系担担面，佢比出面食的好味啲，因为佢的面质好啲，个花生酱味道刚刚好，唔会太抢，比起某某转门食担担面的餐厅仲要出色。炒饭系午餐肉炒饭，啲午餐肉好似真的咁，一啲都食唔出系素食品。最后出场的系寿饱，佢无落蛋，但系啲莲蓉都唔会＂行＂，油份好足，好食。大家都好满意呢餐饭，爸爸话下次食素都会来呢到。