Patisserie Tony Wong (已結業)

公司阿头做咗爸爸，请我哋食靓饼，呢间饼店嘅饼好靓！一啲都唔失礼！好惊喜！ 包装盒好实净，啡色加亮绿色！每件饼都好精致！底部用胶纸黏实！唔会走位！因为有多嘅关系，我试到2件！ Chocolate Truffle:半圆形，外层朱古力皮好亮丽，加一点金箔，味道好浓朱古力味，入面系朱古力慕丝，加一层榛子酱，加啲脆米增加口感！好浓好味！ Tiramisu:方形胶杯，好有份量，入面香浓芝士慕丝包裹松软蛋糕！唔会好腻！不过面头三粒朱古力就淋咗！好韧！食到精致靓饼好开心！恭喜阿头做爸爸！