黑木亭居酒屋 (清風街) (已結業)

一向都好钟意喺天后𠮶边嘅小街食嘢，门口见到推介龙虾二食，又有串烧，仲有和牛食。龙虾二食龙虾球好大粒，有大概六大粒，鲜甜有虾味，爽口，配上蟹籽，口感层次丰富。第二食系龙虾面豉汤，上枱时仲系热辣辣，味道浓郁，汤混合了海鲜嘅鲜甜味。日本产A4和牛海胆丼一上枱已经闻到好香牛味，牛嘅脂肪比例多，但唔油腻，咬落去有溶化喺口嘅感觉。海胆好新鲜，唔腥。松叶蟹钳配三文鱼籽沙律🥗有八只松叶蟹钳，大细适中，咬落去淡淡蟹肉，新鲜清甜。三文鱼籽大大粒，咬落去卜卜脆。烧牛油甘薯串烧淡淡的牛油味，厚身大块。汁烧白鳝串烧10分喜爱，白鳝皮烧到好香脆，个酱汁混入白鳝，带出咗鱼嘅鲜甜味，白鳝好滑身，一定要食。麻辣原条黑豚露笋卷串烧麻辣系BB辣，芦笋好大条，黑豚肉配合芦笋好夹。明太子鸡腿肉串烧鸡腿肉有盐烧嘅味道，带出咗好香鸡味，咬落多汁。北海道芒果牛乳乳酸酸酸甜甜，芒果味唔算太重，牛乳味浓，饮落好creamy 。蜜桃乌龙茶卖相好靓，以熊仔做冰嘅外型，劲吸精，淡淡的乌龙茶味加上香甜嘅蜜桃味，好match，十分推介。