Mimila (已結業)

一年一度新苹果发售，朋友一早预订左部新机系沙田新城市店攞。陪佢排左成个钟先完成取机手续真系又饿又攰。所以近近地上左七楼揾野食。见MIMILA坐左几位金发外国人，就好奇入黎睇下有咩咁吸引老外都黎光顾。原来呢度主打马来西亚面食，尤其系各款鲜虾制品，琳琅满目。所以我地都唔执输跟住老外们点返两个呢度嘅招牌菜食返餐。三虾捞面。即系虾籽／海虾及虾子面嘅全虾组合。葱油十分香浓惹味，配上爽口弹牙嘅虾子面，十分讨好。海虾新鲜爽脆每只都有满满嘅虾膏，食时更多一种浓香。配上清甜虾汤配搭，除左唔油腻之外更补充左捞面嘅湿润，唔会咁干争争。沙沙捞鱿鱼翼。用上沙爹酱腌制都算香口，调配得唔会太咸辣。但可惜鱿鱼唔算太入味有啲可惜。马来辣虾汤面(掺掺)。所谓掺掺即系两沟米粉及油面，虽然叫辣虾汤但辣度唔会好呛。反而香味同鲜味十足，两沟面食时口感更丰富同埋吸汤，更能品尝虾汤鲜味。虾肉同样鲜甜，食时配上芽菜／通菜健康又好味。虽然未去过马来西亚，但周未食个地道马来面让味觉游走一转马来风味，都不失为一个好方法。