蜀府川鍋 (已結業)

放工约左好友去佢屋企附近食饭，上网睇到有一间蜀府川锅好似几好味，两人走去打个边炉先，见到其他川菜都好吸引，但最后都系拣打边炉，拣左个汤底大蚬虾粥底。汤底来之前先来个泡椒香笋，够辣度，同埋笋爽口无渣，不错。大蚬虾粥汤底好足料，大大只蚬而且无沙，虾都有十只左右，质地都好爽口，但建议可以先给米水，米饭就后期先加会更好。手切牛脊肉（大）份量好多，肉质唔硬有牛味👍🏻响铃、蟹子丸、鹅肠、竹笙、准山片、油麦菜、最有惊喜系即烧大连鲍😋香蒜舖面，鲍鱼鲜味而且质地弹牙👍🏻$48 有海胆可以放粥，价钱来说好抵～最后食到撑饱个肚走人。