緣味小聚 (金百利廣場) (已結業)

我早排同朋友讨论一下有啲乜嘢餐厅好介绍嘅时候，朋友就介绍咗我话铜锣湾区有一间好抵食嘅海鲜任食蒸锅！于是就带埋男朋友过咗去呢一间缘味小聚！一去到嘅时候真系非常之大嘅惊喜就系好抵食！180分钟任食海鲜蒸，仲有打边炉同埋其他唔同嘅小食！身为一个好钟意食海鲜嘅人，当然唔少得要试吓唔同款式嘅海鲜啦！整体来讲，呢度嘅海鲜都非常新鲜同埋好食嘅，我自己都好钟意食呢度嘅琵琶虾！琵琶虾大大只，虾头嘅位置仲要好多下高，一旦摆落口嘅时候啖啖肉真系好爽！卜卜蚬亦都系非常鲜甜，虽然细细粒，但系食落去都系好饱满同埋好有鲜味！另外仲有呢度最出名嘅特色点心，都系好高质！唔同嘅糕点种类都各有特色，我都好建议大家试一试！