川．粵居 (已結業)

知道尔峦开咗间新酒家，作为元朗人，真系要去试吓，未食之前已经听过几个评价好坏参半。有人话佢啲嘢贵又唔好食；但又有其他人话佢啲嘢抵食唔错！所以前几日亲身去试。老实说，冇乜抱住好大期望。先讲服务：间野开11点，我𠮶日10点9就到咗，好在门口个姐姐都好热情咁招呼我入去坐住先。但后来另一个客人就冇咁好彩，咁啱佢入嚟𠮶刻冇人招呼佢，佢仲要自己揾位坐低，d职员围埋一齐倾偈，见佢睇到心情有点不悦，服务呢个部分要改善一下。再讲食物：因为食评从朋友口中好坏渗半，所以抱住不妨一试嘅心态去食，点知好惊喜，因为啲嘢唔差，可以话系好食！好有特色又可以打卡！馅料唔同一般嘅酒楼，不过如果想食返一般酒楼平时食到嘅嘢，呢度可能就会少啲，佢冇烧味𠮶啲，听讲要提前订。环境：其实环境非常之干净同埋优雅，不过佢嘅位置比较隔涉，同对面天空食街相比，如果唔系一早知道佢开张，真系唔识得揾过去。希望佢哋可以多啲做下宣传👍🏻👍🏻等多啲街坊知道佢哋存在。