玉桃軒酒家 (利舞臺廣場)

营业中

休息中

之前喺OpenRice见到呢间酒楼片皮鸭做优惠价$178半只，仲有啲晚市三宝优惠，三百几蚊有鸡有鱼又有一个小菜，所以就同屋企人约咗黎食啦。但唔知系咪临近冬至，呢两个优惠都冇晒，一坐低，职员俾咗大概三份餐牌我哋，有一份应该主力做冬至，有好多唔同人份量嘅餐，但因为我同屋企人主要系想你食片皮鸭，所以都冇叫餐，只系散嗌D我哋想食嘅𩠌。主角片皮鸭，真系不得不提。之前喺其他地方都食过，但呢间嘅片皮鸭斋买相都已经觉得够肥美，够热又够香脆，值得encore ！另外仲叫咗一个感觉好有特色嘅南乳脆骨，如果比较钟意干身同香口嘅朋友都可以试吓嘅。呢个黑椒腰果牛柳粒，我家人好欣赏，个腰果好加分，令到成碟𩠌好香。