北京樓 (形點 I)

营业中

休息中

因为想食片皮鸭嘅关系，去了北京楼，一到晚上时间就好多人等位。成日经过都因为太多人而放弃。难得今次等到位。本来想叫二人套餐，但系冇片皮鸭，唯有散叫。前菜整得好好食㗎，好惹味。赛螃蟹热辣辣咁整出嚟，蛋白再加埋蟹肉再落埋少少醋，好滑，好食。半只片皮鸭，望落去个份量好少。但系佢切到每一件都细细件好平均，亦都会将皮同肉分开，冇咗皮同肉中间的肥膏，食落冇咁油腻。鸭皮亦都好脆。肉好香，包住片皮鸭的皮好薄，好烟韧。就算食咗好多皮落肚，都唔会好济。依然维持到水准。最后见到有职员同隔离枱讲原来enjoy卡仲做紧优惠九折，(只限𩠌菜)。